Նիկոլ Փաշինյանը շնորհավորել է Շավքաթ Միրզիյոևին Ուզբեկստանի Անկախության օրվա առթիվ

ՀՀ վարչապետ Նիկոլ Փաշինյանը շնորհավորական ուղերձ է հղել Ուզբեկստանի Հանրապետության նախագահ Շավքաթ Միրզիյոևին՝ երկրի Անկախության օրվա առթիվ։

 

Կառավարության ղեկավարը բարձր է գնահատել Միրզիյոևի ղեկավարությամբ Ուզբեկստանում իրականացվող լայնածավալ բարեփոխումները, որոնք նպաստում են երկրի կայուն զարգացմանը, քաղաքացիների բարեկեցության բարձրացմանն ու միջազգային հեղինակության ամրապնդմանը։

 

Նիկոլ Փաշինյանը վստահություն է հայտնել, որ երկու երկրների միջև ձևավորված բարեկամությունն ու փոխադարձ վստահությունը, ինչպես նաև համատեղ ջանքերը նոր խթան կհաղորդեն քաղաքական երկխոսությանն ու փոխշահավետ համագործակցության ընդլայնմանը։ Վարչապետը Ուզբեկստանի նախագահին մաղթել է քաջառողջություն և հաջողություններ, իսկ Ուզբեկստանի ժողովրդին՝ բարեկեցություն ու կայուն առաջընթաց։