Հասարակություն
9 օգոստոսի 2026 • 12:41
ՆԳՆ-ն հերքում է Դաշտավանում կրակոցների մասին լուրերը․ կան ձերբակալվածներ
Ըստ պաշտոնական հաղորդագրության՝ օգոստոսի 9-ին՝ ժամը 00:40-ի սահմաններում, ՆԳՆ օպերատիվ կառավարման կենտրոն ահազանգ է ստացվել Դաշտավան գյուղի եկեղեցու մոտ տեղի ունեցող վիճաբանության մասին։
Զանգվածային լրատվամիջոցներում օգոստոսի 9-ին լուրեր են տարածվել, թե Արարատի մարզի Դաշտավան գյուղում տեղի ունեցած ծեծկռտուքի ընթացքում հնչել են կրակոցներ և կան վիրավորներ։
ՀՀ ՆԳՆ հանրային հաղորդակցության և իրազեկման վարչությունից հայտնում են, որ կրակոցների վերաբերյալ լուրերը չեն համապատասխանում իրականությանը, և հրազենային վնասվածք ստացած որևէ անձ չկա։
Ըստ պաշտոնական հաղորդագրության՝ օգոստոսի 9-ին՝ ժամը 00:40-ի սահմաններում, ՆԳՆ օպերատիվ կառավարման կենտրոն ահազանգ է ստացվել Դաշտավան գյուղի եկեղեցու մոտ տեղի ունեցող վիճաբանության մասին։
Դեպքի վայր մեկնած ոստիկանության ծառայողները պարզել են, որ մի խումբ անձանց մասնակցությամբ վիճաբանությունը վերածվել է ծեծկռտուքի, որի ընթացքում կողմերը միմյանց հարվածել են քարերով, մահակներով և կռփազենքով (կաստետով)։
Ձեռնարկված օպերատիվ-հետախուզական միջոցառումների արդյունքում խուլիգանություն կատարելու անմիջականորեն ծագած կասկածանքով միջադեպի մի քանի մասնակիցներ ձերբակալվել և տեղափոխվել են Համայնքային ոստիկանության Մասիսի բաժին։
Դեպքի առթիվ կազմված փաստաթղթերը ներկայացվել են նախաքննական մարմին, նախաձեռնվել է քրեական վարույթ։ Հանգամանքները պարզվում են։
Կարդացեք նաև
Հասարակություն16 սեպտեմբերի 2026
Քնարյանի հաղորդումը տեղ է հասել․ ՔԿ-ն վարույթ է նախաձեռնել Հովիկ Աբրահամյանի դեմ
Քննչական կոմիտեն ArmPulse-ին հայտնել է, որ Հարություն Քնարյանի հաղորդման հիման վրա քրեական վարույթ է նախաձեռնվել՝ մի շարք ծանր հանցագործությունների հնարավոր դեպքերի առթիվ։ Վարույթն ուղարկվել է հսկող դատախազին՝ այն Հակակոռուպցիոն կոմիտե ուղարկելու հարցը քննարկելու նպատակով։
Հասարակություն16 սեպտեմբերի 2026
Ծավ համայնքի ջրում սնդիկի հայտնաբերումից հետո տուժած չկա.Անահիտ Ավանեսյան
Հիշեցնենք, որ Ծավ բնակավայրում խմելու ջրի որակի հետ կապված խնդիր է հայտնաբերվել բնակչի ահազանգից հետո։
Հասարակություն14 սեպտեմբերի 2026
Հույս ունենք և աղոթում ենք, որ «իրական» Հայաստանի մասերը Շուշիի ճակատագրին չեն ենթարկվի․ Արամ Ա Կաթողիկոս
Մեծի Տանն Կիլիկիո կաթողիկոս Արամ Ա-ն հայտարարություն է տարածել։