ՆԳՆ խոսնակը հերքում է․ «Պարեկներին հատուկ հրահանգ չի տրվել Սամվել Կարապետյանի հետ կապված»

ՆԳՆ մամուլի քարտուղար Նարեկ Սարգսյանն իր ֆեյսբուքյան էջում գրառում է կատարել , որ այսօր լրատվական կայքերից մեկում հոդված էր հրապարակվել , թե իբր «․․․Պարեկներին հրահանգ է իջեցվել՝ գործարար Սամվել Կարապետյանի հետ կապված՝ շատ աչալուրջ լինել։ Ոստիկանությանը պարտավորեցրել են հերթապահություն իրականացնել Կարապետյանի առաջնորդած ուժի կազմակերպած բոլոր ակցիաների, միջոցառումների ժամանակ եւ արձանագրել բոլոր ավտոմեքենաները, որոնք ժամանում են դեպքի վայր, ֆիքսել պետհամարանիշներն ու առիթ գտնել տուգանելու կամ տուգանային հրապարակ տանելու»։
"Հարկ ենք համարում պարզաբանել, որ ՆԳՆ ոստիկանության ծառայողներն, այդ թվում պարեկները, մշտապես պետք է «աչալուրջ» լինեն և աչալուրջ են իրավախախտումներ կատարող բոլոր անձանց նկատմամբ։ Ավելին, «․․․կազմակերպած բոլոր ակցիաների, միջոցառումների ժամանակ․․․»" ,– նշել է Սարգսյանը։

Միաժամանակ նա ընդգծել է, որ եթե վարորդը գտնվում է ոչ սթափ վիճակում, չունի տեխնիկական զննություն կամ ԱՊՊԱ պայմանագիր, խախտում է կանգառ-կայանման կամ գովազդի կանոնները, ապա ոստիկանությունը պարտավոր է իրականացնել օրենքով սահմանված գործողությունները։

Վերջում նա հավելում է, որ հրապարակման մեջ նշված տրանսպորտային միջոցների վարորդները կատարել են վերոհիշյալ բոլոր իրավախախտումները