ՆԱՏՕ-ն 2025 թվականին ակտիվ աջակցություն է ցուցաբերել Հայաստանին․ Զեկույց

ՆԱՏՕ-ի գլխավոր քարտուղար Մարկ Ռյուտեն ներկայացրել է «Գլխավոր քարտուղարի տարեկան զեկույցը 2025»։ Զեկույցում նշվել է, որ 2025 թվականին ՆԱՏՕ-ն, ի թիվս այլ երկրների, ակտիվ աջակցություն է ցուցաբերել նաև Հայաստանին։

Անդրադառնալով Հարավային Կովկասի տարածաշրջանին՝ զեկույցում ընդգծվում է, որ այն կարևոր է ՆԱՏՕ-ի անվտանգության համար, հատկապես այն պատճառով, որ տարածաշրջանը շարունակում է զգալ Ռուսաստանի կողմից Ուկրաինայի դեմ սանձազերծված ագրեսիայի ազդեցությունը։

«2025 թվականին ՆԱՏՕ-ն ողջունել է Հայաստանի և Ադրբեջանի միջև խաղաղության ուղղությամբ նշանակալի առաջընթացը և գնահատել Միացյալ Նահանգների շարունակական ներդրումը խաղաղության գործընթացում։ Օգոստոսյան խաղաղության համաձայնագրի նախաստորագրումը կարևոր քայլ էր կարգավորման և տարածաշրջանային անվտանգության ուղղությամբ, և ՆԱՏՕ-ն պատրաստ է խորացնել երկխոսությունն ու համագործակցությունը երկու երկրների հետ», – նշված է զեկույցում։