Նարեկ Կարապետյանը հայտնել է, որ նախատեսվում է հանդիպում արտախորհրդարանական ընդդիմադիր ուժերի հետ

 Մեր հայրենակիցները թող վստահ լինեն, որ այդ մանդատները ոչ մի բան՝ բացի բռնաճնշումներից չեն տալիս։ Լրագրողների հետ զրույցում հայտարարել է «Ուժեղ Հայաստան» կուսակցության անդամ Նարեկ Կարապետյանը։

Նարեկ Կարապետյանը նշել է, որ պայքարի այս փուլում՝ Սամվել Կարապետյանի կոնսոլիդացիայի կոչից հետո, նախատեսվում է հանդիպում արտախորհրդարանական ընդդիմադիր ուժերի հետ։

«Նրանց հետ ընդհանուր քննարկումների արդյունքում կմշակենք այն ռազմավարությունը, որը հետագայում պետք է վարենք, միասին հասկանանք՝ ինչպես անենք, որ այս իշխանությանը հնարավորինս շուտ հրաժեշտ տանք»,- նշել է նա։

Նարեկ Կարապետյանը նշել է, որ Սամվել Կարապետյանը Հայաստանի հետ կապված ունի երկարաժամկետ պլաններ ու նաև վստահություն է հայտնել, որ կգա ժամանակ և իրենց պայքարը կտա իր արդյունքը։