Մոլդովայի նախագահ Մայա Սանդուն մեկնել է Կիև

Մոլդովայի նախագահ Մայա Սանդուն ապրիլի 27-ին պաշտոնական այցով մեկնել է Կիև և բանակցություններ վարել Ուկրաինայի նախագահ Վոլոդիմիր Զելենսկու և վարչապետ Յուլյա Սվիրիդենկոյի հետ: Քննարկումները կենտրոնացած էին էներգետիկայի, տրանսպորտի և առևտրի ոլորտներում երկկողմ համագործակցության, տարածաշրջանային անվտանգության և Եվրամիությանը անդամակցության գործընթացի վրա։ Այս մասին տեղեկանում ենք« Moldpress»-ից:

Մայա Սանդուն  Ուկրաինայի հետ համերաշխության հստակ ուղերձ է հղել.

«Ես ուզում եմ ուկրաինացի ժողովրդին ասել. մենք տեսնում ենք ձեզ, մենք ձեզ հետ ենք»։

Մոլդովայի նախագահը պաշտպանել է նաև ԵՄ անդամակցության բանակցությունների պաշտոնական մեկնարկը՝ ընդգծելով, որ և՛ Մոլդովան, և՛ Ուկրաինան կատարել են բոլոր պայմանները: «Երբ ԵՄ-ն Ուկրաինային տրամադրեց 90 միլիարդ եվրոյի վարկ և ընդունեց նոր պատժամիջոցներ Ռուսաստանի դեմ, այն գործեց միասնականությամբ և վճռականությամբ: ԵՄ-ն պետք է նույն միասնականությունը բերի ընդլայնման գործընթացին և անհապաղ պաշտոնապես սկսի բանակցությունները Մոլդովայի և Ուկրաինայի հետ»,- ասել է Մայա Սանդուն: