«Միասնության թևեր» կուսակցությունը վիճարկում է ԱԺ ընտրությունների արդյունքները

«Միասնության թևեր» կուսակցությունը հայտարարել է, որ չի ընդունում 2026 թվականի հունիսի 7-ին կայացած Ազգային ժողովի ընտրությունների պաշտոնական արդյունքները՝ պնդելով, որ ընտրական գործընթացն ուղեկցվել է վարչական ռեսուրսի չարաշահմամբ, քաղաքացիների նկատմամբ ճնշումներով և այլ խախտումներով։

Կուսակցությունը նաև նշել է, որ ընտրություններին եղել են արտաքին միջամտություններ և որ պաշտոնական արդյունքները չեն արտացոլում քաղաքացիների իրական կամքը։ «Միասնության թևերը» հայտարարել է քվեարկության արդյունքների վերահաշվարկ նախաձեռնելու և ընտրությունների արդյունքները վիճարկելու հնարավորությունը քննարկելու մասին։

Միաժամանակ կուսակցությունը շնորհակալություն է հայտնել իրեն աջակցած քաղաքացիներին՝ ընդգծելով, որ շարունակելու է պայքարը իրավական, քաղաքական և հանրային բոլոր հնարավոր հարթակներում։