Մետրոյի «Աջափնյակ» կայարանի կառուցման ներդրումային փաթեթը պատրաստ կլինի աշնանը

Մետրոյի «Աջափնյակ» կայարանի կառուցման մրցութային երկրորդ փուլը նախատեսվում է ավարտել հունիսի վերջին։ Աշնանն էլ պատրաստ կլինի ներդրումային ամբողջ փաթեթը։

Երևանի քաղաքապետարանում անցկացված գործակարգավարական նիստի ժամանակ քաղաքապետ Տիգրան Ավինյանը կարևորել է մետրոյի կայարանի հատվածում մեծ թվով կայանատեղիներ ունենալու անհրաժեշտությունը:  Եվ քանի որ ամեն տարի ավելանում է դեպի քաղաք հոսքը, ըստ քաղաքապետի՝ պետք է այդ հատվածներում լինեն մեծ թվով կայանատեղիներ, որպեսզի մարդիկ հնարավորություն ունենան մեքենաները թողնել և երթևեկել հանրային տրանսպորտով: