Մենք Ռուսաստանի հետ որևէ հարցով չենք կռվելու. Ալեն Սիմոնյան

Բոլոր խնդիրները կքննարկվեն, կլուծվեն, մենք Ռուսաստանի հետ որևէ հարցով չենք պատերազմելու, չենք կռվելու, ԱԺ-ում ճեպազրույցի ժամանակ ասել է խորհրդարանի խոսնակ Ալեն Սիմոնյանը՝ պատասխանելով հարցին՝ արդյոք հայ գործարարները Ռուսաստանում խնդիրներ կունենա՞ն:

Նրա խոսքով՝ բոլոր խնդիրները բարձրաձայնելու են՝ փորձելով դրանց լուծում տալ:

«Մենք որևէ սպառնալիք մեզնից չենք ներկայացնում Ռուսաստանին, չենք պատրաստվում սպառնալիք դառնալ: Ինչ-որ հարցեր կան, այդ հարցերը բոլոր երկրների միջև գոյություն ունեն, մի պահ այդ հարցերը շատանում են, մի պահ՝ քչանում»,-նշել է Սիմոնյանը: