«Մենք լինելու ենք խորհրդարանում»․Էդմոն Մարուքյան

«Լուսավոր Հայաստան»-ը հունիսի 7-ին Հայաստանում կայանալիք խորհրդանշական ընտրությունների նախընտրական քարոզարշավի հերթական օրն անցկացրել է Կառավարության շենքի դիմաց։ 

Կուսակցության ընտրական ցուցակը գլխավորող Էդմոն Մարուքյանի կարծիքով իր գլխավորած  քաղաքական ուժի ուղերձները տեղ են հասել, և իրենք  հանրահավաքներ անելու կարիք չունեն։ Նա ասել է, որ ընտրողը չի ընտրում քաղաքական ուժին նրա համար, որ Հանրապետության հրապարակում կամ Օպերայում հանրահավաք են անում։

Մարուքյանն ասել է, որ  այսօր բոլորն օնլայն են հետևում տեղի ունեցող քաղաքական անցուդարձին։Նրա գնահատմամբ  խորհրդանշական ընտրությունների նախընտրական քարոզարշավի շրջանակներում իրենք ժողովրդի կողմից արժանացել են ջերմ ընդունելության ։

«Լուսավոր Հայաստան»-ի առաջնորդը վստահություն է հայտնել, որ իրենք լինելու են ապագա խորհրդարանում․

«Մենք լինելու ենք խորհրդարանում։ Մեկ անձի իշխանության վերջը հունիսի 7-ին ժողովուրդը տալու է։ Կոչ եմ անում  մարդկանց  գնալ ընտրատեղամասեր, վերցնել 19 համարի քվեաթերթիկը և բացառել մեկ ուժի իշխանությունը Հայաստանում»։