Մենք ձեր աչքերն ու ականջներն ենք Եվրամիությունում. Էստոնիայի ԱԳ նախարարը` Միրզոյանին

 Հայաստանի և Ադրբեջանի միջև խաղաղությունը հույժ կարևոր է, և ժողովրդի բարեկեցության և բիզնես ոլորտի բարագավաճման համար ստեղծված հնարավորությունները, ճանապարհային միջանցքների բացումը խաղաղության նախապայմաններն են։ Այս մասին ՀՀ ԱԳ նախարար Արարատ Միրզոյանի հետ համատեղ մամուլի ասուլիսի ժամանակ ասաց Էստոնիայի ԱԳ նախարար Մարգուս Ցահքնան։

Նա նշեց, որ որպես ԱԳ նախարար` սա իր արդեն 2–րդ այցն է, թեև նախկինում էլի եղել է Հայաստանում։

 

«Մենք սիրում ենք հայ ժողովրդին, քանի որ դուք մեզ շատ մոտ եք, միգուցե պատմականորեն է այդպես, և մենք նույն բարգավաճ ապագան ունենք»,– նշեց էստոնացի նախարարը։

Նա ընդգծեց, որ ուրախ է Հայաստանում Էստոնիայի դեսպանության բացման որոշման համար, և այն խորհրդանշական բնույթ չի կրում, քանի որ իրենց դեսպանը շատ սրտացավ է աշխատում։