Մասիսում 33-ամյա վարորդը «Audi»-ով վրաերթի է ենթարկել փողոցը չթույլատրելի հատվածով հատող հետիոտնի

Մայիսի 22-ին, ժամը 23:30-ի սահմաններում, Արարատի մարզի Մասիս քաղաքի Արարատյան փողոցում վրաերթ է տեղի ունեցել, այս մասին հայտնում է Shamshyan.com-ը:

Արմավիրի մարզի բնակիչ 33-ամյա Հրաչ Շ․-ն իր վարած «Audi» մակնիշի (վրացական համարանիշներով) ավտոմեքենայով վրաերթի է ենթարկել փողոցը չթույլատրելի հատվածով հատող 37-ամյա Գևորգ Թ․-ին, ով Արարատի մարզի բնակիչ է։

Վարորդը փախուստի չի դիմել և անմիջապես ահազանգել է շտապօգնություն։ Տեղում ժամանած «Մասիս» բժշկական կենտրոնի շտապօգնության խումբը տուժածին նախ ցուցաբերել է առաջին բուժօգնություն, ապա տեղափոխել «Էրեբունի» բժշկական կենտրոն, որտեղ նրա վիճակը գնահատվում է ծանր։

Դեպքի վայր են ժամանել ՀՀ ՆԳՆ ոստիկանության Պարեկային ծառայության Արարատի մարզի գումարտակի աշխատակիցները՝ համապատասխան ղեկավար կազմի գլխավորությամբ։ Դեպքի հանգամանքները պարզվում են։