Կրեմլը չի շնորհավորի Օրբանի մրցակցին՝ հաղթանակի կապակցությամբ։

Կրեմլը չի ​​շնորհավորի ընդդիմադիր Տիսա» կուսակցության առաջնորդ, Պետեր Մագյարին՝ Հունգարիայի խորհրդարանական ընտրություններում տարած հաղթանակի կապակցությամբ: Այս մասին հայտարարել է Ռուսաստանի նախագահի մամուլի քարտուղար՝ Դմիտրի Պեսկովը,

Նրա խոսքով՝ Մոսկվան շնորհավորանքներ չի ուղարկում «անբարյացակամ երկրներին»: Նրանց թվում է նաև Հունգարիան, որը կողմ է Ռուսաստանի դեմ պատժամիջոցներին։Այս մասին տեղեկությունը տարածում է ռուսական rbc.ru-ն:

Պեսկովը միևնույն ժամանակ ասել է, որ  « Մոսկվան «երկխոսության մեջ է» եղել Հունգարիայի վարչապետ Վիկտոր Օրբանի հետ։

Հաղթանակից հետո Մագյարը հայտարարել է Վիշեգրադյան քառյակի (Հունգարիայի, Լեհաստանի, Սլովակիայի և Չեխիայի մշակութային և քաղաքական դաշինք) միջև համագործակցությունը վերսկսելու ծրագրերի մասին և ասել, որ վարչապետ նշանակվելու դեպքում իր առաջին արտասահմանյան այցը կլինի Լեհաստան։ Նա նաև հայտարարել է, որ կուսակցությունը «կարողացել է փոխել Օրբանի ռեժիմը» ​​և «ազատագրել Հունգարիան»։