Կրակոցներ Սիսավան փողոցում․ 4 տուժած, մեկ ձերբակալված

Հունիսի 20-ին՝ ժամը 13:00-ի սահմաններում, ՆԳՆ 112 օպերատիվ կառավարման կենտրոն ահազանգ է ստացվել Երևանի Սիսավան փողոցում տեղի ունեցած վիճաբանության վերաբերյալ, այս մասին հայտնում է ՀՀ ՆԳՆ ոստիկանությունը:

Դեպքի վայր մեկնած ոստիկանները պարզել են, որ կենցաղային հարցերի շուրջ ծագած վեճի ընթացքում գործի է դրվել նաև հրազեն։ Միջադեպի հետևանքով 4 անձ տեղափոխվել է տարբեր բժշկական հաստատություններ, նրանց կյանքին վտանգ չի սպառնում։

Մեկ անձ ձերբակալվել է:  Ոստիկանությունը միջոցառումներ է իրականացնում միջադեպի բոլոր մասնակիցներին հայտնաբերելու ուղղությամբ։