ԿԳՄՍ նախարարը ուսուցիչների հետ քննարկել է հանրակրթության ոլորտի բարեփոխումները

ՀՀ կրթության, գիտության, մշակույթի և սպորտի նախարար Ժաննա Անդրեասյանը հերթական հանդիպումն է ունեցել մանկավարժների հետ՝ հանրակրթության ոլորտի բարեփոխումները քննարկելու նպատակով։

ԿԳՄՍ նախարարության փոխանցմամբ՝ քննարկման առանցքում են եղել կամավոր ատեստավորման գործընթացը, թեստերի բովանդակային հարցերը, դասապրոցեսի կազմակերպումը, ինչպես նաև ուսուցման որակի բարձրացմանն ու վերապատրաստումներին վերաբերող մի շարք առանցքային խնդիրներ։

Ուսուցիչների հետ նման ձևաչափով հանդիպումները կրում են շարունակական բնույթ։ Նախարարի ընդունելությանը մասնակցելու համար անհրաժեշտ է նախապես հերթագրվել՝ լրացնելով համապատասխան դիմում-հայտը։