Կապանում դեղնավուն ջրերի հոսքի դեպքով հարուցվել է վարչական վարույթ
Բնապահպանության և ընդերքի տեսչական մարմինը վարչական վարույթ է հարուցել Կապանում դեղնավուն անձրևաջրերի հոսքի դեպքով։ Տեղում իրականացվում են ուսումնասիրություններ և ջրերի նմուշառումներ՝ դրանց կազմն ու ազդեցությունը պարզելու նպատակով։
Բնապահպանության և ընդերքի տեսչական մարմնում (ԲԸՏՄ) վարչական վարույթ է հարուցվել Կապան քաղաքում դեղնավուն անձրևաջրերի հոսքի դեպքի առթիվ, այս մասին հայտնում է ՀՀ ԲԸՏՄ–ն։
Տեսչական մարմնի հաղորդմամբ՝ հունիսի 14-ին տեղացած հորդառատ անձրևների հետևանքով Կավարտի հանքավայրի տարածքից դեպի քաղաքի փողոցներ հոսել են դեղնանարնջագույն գունավորմամբ ջրեր։ Դեպքը լայն տարածում է ստացել նաև համացանցում՝ առաջացնելով հանրային մտահոգություն։
Վարույթի շրջանակում իրականացվում են ուսումնասիրություններ, այդ թվում՝ տեղում ջրերի նմուշառումներ՝ դրանց բաղադրությունն ու հնարավոր ազդեցությունը պարզելու նպատակով։
ԲԸՏՄ-ից հայտնում են, որ լաբորատոր հետազոտությունների արդյունքների և վարույթի ընթացքի վերաբերյալ լրացուցիչ տեղեկություններ կտրամադրվեն։
Կարդացեք նաև
Հասարակություն16 սեպտեմբերի 2026
Քնարյանի հաղորդումը տեղ է հասել․ ՔԿ-ն վարույթ է նախաձեռնել Հովիկ Աբրահամյանի դեմ
Քննչական կոմիտեն ArmPulse-ին հայտնել է, որ Հարություն Քնարյանի հաղորդման հիման վրա քրեական վարույթ է նախաձեռնվել՝ մի շարք ծանր հանցագործությունների հնարավոր դեպքերի առթիվ։ Վարույթն ուղարկվել է հսկող դատախազին՝ այն Հակակոռուպցիոն կոմիտե ուղարկելու հարցը քննարկելու նպատակով։
Հասարակություն16 սեպտեմբերի 2026
Ծավ համայնքի ջրում սնդիկի հայտնաբերումից հետո տուժած չկա.Անահիտ Ավանեսյան
Հիշեցնենք, որ Ծավ բնակավայրում խմելու ջրի որակի հետ կապված խնդիր է հայտնաբերվել բնակչի ահազանգից հետո։
Հասարակություն14 սեպտեմբերի 2026
Հույս ունենք և աղոթում ենք, որ «իրական» Հայաստանի մասերը Շուշիի ճակատագրին չեն ենթարկվի․ Արամ Ա Կաթողիկոս
Մեծի Տանն Կիլիկիո կաթողիկոս Արամ Ա-ն հայտարարություն է տարածել։