Քննարկվել են Հայաստան–Թուրքիա տրանսպորտային կապերի և Անի կամրջի վերականգնման հարցերը

Թուրքիայի ենթակառուցվածքների նախարար Աբդուլքադիր Ուրալօղլուն X-ի իր էջում  հայտնել է, որ ՀՀ տարածքային կառավարման և ենթակառուցվածքների նախարար Դավիթ Խուդաթյանի հետ հանդիպման ընթացքում քննարկվել են նախկինում ակտիվ օգտագործված երկաթուղային և ավտոճանապարհային կապերի վերականգնման հնարավորությունները։

Նրա խոսքով՝ հանդիպման ընթացքում քննարկվել են նաև յուրաքանչյուր կողմում իրականացվող նախապատրաստական և տեխնիկական աշխատանքների ընթացքը։

Կողմերը անդրադարձել են նաև Կարս–Անի հատվածում գտնվող պատմական Անի կամրջի վերականգնման հարցին՝ ընդգծելով Մետաքսի ճանապարհի վրա գտնվող այդ ենթակառուցվածքի պատմական նշանակությունը։