Քաղաքական ամբիցիաները Երևանի համար ազգային շահերից վեր դասվեցին․ Մեդվեդև

Ռուսաստանի Անվտանգության խորհրդի նախագահի տեղակալ, «Եդինայա Ռոսիա» կուսակցության նախագահ Դմիտրի Մեդվեդևը հայտարարել է, որ Հայաստանի ներկայիս իշխանությունների քաղաքական հավակնությունները վեր են դասվել երկրի ազգային շահերից։

Նրա խոսքով՝ Արևմուտքը Հայաստանին վերաբերվում է բացառապես որպես Ռուսաստանի դեմ պայքարի գործիքի և շահագրգռված է քաղաքական դաշտը մաքրելու բոլոր այն ուժերից, որոնք հանդես են գալիս երկու երկրների միջև առողջ հարաբերությունների պահպանման օգտին։

«Ափսոս, որ ներկայիս իշխանությունների քաղաքական հավակնությունները վեր են իրենց ղեկավարած երկրի ազգային շահերից»,-Մեդվեդևի խոսքը մեջբերում է ՏԱՍՍ-ը։