Ինչպիսի՞ն կլինի հրադադարի ճակատագիրը ԱՄՆ-ի կողմից իրանական նավի գրավումից հետո

 Այն բանից հետո, երբ ԱՄՆ-ն հայտարարեց, որ գրավել է իրանական բեռնատար նավ,մտահոգություններ առաջացան, որ Միացյալ Նահանգների և Իրանի միջև հրադադարը կարող է խզվել,  քանի որ  Իրանը խոստացավ,որ հակահարվածներ կտա:Այս մասին հաղորդում է «Reuters»-ը:

Տարածաշրջանում ավելի երկարատև խաղաղություն հաստատելու ջանքերը նույնպես սպառնալիքի տակ հայտնվեցին, քանի որ Իրանը հայտարարեց, որ չի մասնակցի բանակցությունների երկրորդ փուլին, որը ԱՄՆ-ն հույս ուներ սկսել մինչև հրադադարի ժամկետի լրանալը։

ԱՄՆ զինված ուժերը հայտարարել են, որ կիրակի օրը վեցժամյա դիմակայությունից հետո կրակ են բացել Իրանի դրոշի ներքո գտնվող բեռնատար նավի վրա, որը ուղևորվում էր դեպի Իրանի Բանդար Աբբաս նավահանգիստ, ինչի հետևանքով անջատվել են դրա շարժիչները։

«Մենք նրանց նավի լիակատար վերահսկողություն ունենք և տեսնում ենք, թե ինչ կա նավի վրա», - գրել է նախագահ Թրամփը սոցիալական ցանցերում։