Քաղաքականություն
7 հունիսի 2026 • 14:54
Ինչու է Ռոբերտ Քոչարյանի բնակության հասցեում այլ անձ հաշվառված. ՆԳՆ–ի պարզաբանումը
Ծառայությունից հիշեցրել են՝ նախնական ցուցակները հրապարակվում են քվեարկության օրվան նախորդող 40–րդ օրը, որպեսզի ընտրողները բավարար ժամանակ ունենան ցուցակները ուսումնասիրելու և անճշտությունները բարձրաձայնելու համար։
ՀՀ ՆԳՆ միգրացիայի և քաղաքացիության ծառայությունը պարզ մոլորեցում է համարում ՀՀ 2–րդ նախագահ Ռոբերտ Քոչարյանի բնակության հասցեում անձի հաշվառումը որպես ընտրակեղծիքի աղբյուր որակելը։ Ծառայությունն այդ մասին հաղորդագրություն է հրապարակել ֆեյսբուքյան էջում։
ՀՀ 2–րդ նախագահի գրասենյակի ղեկավար Բագրատ Միկոյանն ավելի վաղ ասել էր, որ Քոչարյանի բնակության հասցեում հավելյալ մարդ են գրանցել:
Միգրացիայի և քաղաքացիության ծառայությունը նշել է, որ ՀՀ բնակչության պետական ռեգիստրում առկա են «Իսակովի 23/7 կից հողատարածք» «Իսակովի 23/7 հարակից շինություն», ինչպես նաև «23/7 հող․ կից տնակ» հասցեներ (Քոչարյանի բնակության հասցեն Իսակովի փողոց, 23/7 է)։
«Մեդիատիրույթում տարածում ստացած լուսանկարում նշված անձը հաշվառված է Իսակովի 23/7 հասցեի հարակից տարածքում գտնվող շինություններից մեկում։ Հասցեի մանրամասները ընտրողների ցուցակում չեն արտացոլվել։ Հաշվառման հիմքերը պատշաճ ուսումնասիրվել են․ հաշվառումն իրավաչափ է, որևէ խախտում չի հայտնաբերվել»,– ասված է պետական գերատեսչության հաղորդագրության մեջ։
Ծառայությունից հիշեցրել են՝ նախնական ցուցակները հրապարակվում են քվեարկության օրվան նախորդող 40–րդ օրը, որպեսզի ընտրողները բավարար ժամանակ ունենան ցուցակները ուսումնասիրելու և անճշտությունները բարձրաձայնելու համար։
«Հայտնում ենք, որ Ռ․ Քոչարյանի ընտանիքից նմանօրինակ որևէ մտահոգություն չի բարձրաձայնվել։ Կրկին հիշեցնում ենք, որ հաշվառման բերումով անձը ո՛չ ձեռք է բերում և ո՛չ էլ զրկվում է ընտրելու իրավունքից»,– նշել են միգրացիայի և քաղաքացիության ծառայությունից։
Ծառայությունից տեղեկացրել են նաև, որ հաշվառումը տեխնիկական միջոց է անձին այս կամ այն ընտրատեղամասի ցուցակում ընդգրկելու համար։ Հաշվառում չունեցող անձինք ևս կարող են իրացնել իրենց ընտրելու իրավունքը։
Կարդացեք նաև
Քաղաքականություն29 հուլիսի 2026
ԱՄՆ-ում ՀՀ դեսպանը քննարկել է Հայաստանի և ԱՄՆ-ի համագործակցության նոր հնարավորությունները
ԱՄՆ-ում ՀՀ դեսպան Նարեկ Մկրտչյանը հյուրընկալվել է Hudson Institute-ում
Քաղաքականություն29 հուլիսի 2026
ԱԺ֊ում լրագրողների մասնագիտական գործունեության «նոր և աննախադեպ խստացումներն ու սահմանափակումները» գործում են 2021 թվականից․ Ռուբինյան
ԱԺ շենքում անվտանգության կանոնների վերաբերյալ որոշման մեջ արված նոր փոփոխությունների շարքում չեն եղել փոփոխություններ, որոնք վերաբերում են լրագրողական գործունեությանը, առավել ևս դրա սահմանափակմանը։
.png)
Քաղաքականություն28 հուլիսի 2026
Բաքվում շարունակվել է Արցախի նախկին ռազմաքաղաքական ղեկավարների վերաքննիչ բողոքների քննությունը
Հաջորդ նիստը տեղի կունենա հուլիսի 31-ին: