Հիքմեթ Հաջիևը Բաքվում հանդիպել է ՆԱՏՕ-ի գլխավոր քարտուղարի Կովկասում և Կենտրոնական Ասիայում հատուկ ներկայացուցիչ Քևին Համիլթոնի հետ

Ադրբեջանական ԶԼՄ-ների փոխանցմամբ՝ Ադրբեջանի նախագահի օգնական - նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը Բաքվում հանդիպել է ՆԱՏՕ-ի գլխավոր քարտուղարի Կովկասում և Կենտրոնական Ասիայում հատուկ ներկայացուցիչ Քևին Համիլթոնի հետ:

«Ադրբեջանը ՆԱՏՕ-ի հուսալի գործընկեր է, և մենք նշանակալի արդյունքների ենք հասել համագործակցության տարբեր ոլորտներում: Հանդիպմանը մենք նշեցինք Ադրբեջանի և ՆԱՏՕ-ի միջև փոխգործունակության բարձրացման գործում գրանցված առաջընթացը: Մենք նաև մանրամասն քննարկումներ ունեցանք Ադրբեջան-ՆԱՏՕ գործընկերության տարբեր ասպեկտների վերաբերյալ և մտքեր փոխանակեցինք փոխադարձ հետաքրքրություն ներկայացնող հարցերի շուրջ», - նշել է Հիքմեթ Հաջիևը: