ՀՀԿ-ն չի մասնակցի ընտրություններին

Հայաստանի Հանրապետական կուսակցությունը (ՀՀԿ) չի մասնակցի 2026 թվականի հունիսի 7-ին նախատեսված խորհրդարանական ընտրություններին։ Այս մասին տեղեկացվում է կուսակցության ֆեյսբուքյան պաշտոնական էջում հրապարակված հաղորդագրությունից։

Հաղորդագրության համաձայն՝ որոշումը կայացվել է կուսակցության Գործադիր մարմնի նիստի ընթացքում, որտեղ քննարկվել է ընտրություններին մասնակցության հարցը։ Նշվում է, որ համակողմանի վերլուծության արդյունքում ՀՀԿ-ն որոշել է տվյալ ընտրություններին անմիջական մասնակցություն չունենալ։

Կուսակցությունը նաև հայտնում է, որ ընդունված որոշման հիմնավորումները, ինչպես նաև հետագա քաղաքական քայլերը կներկայացվեն ապրիլի 4-ին նախատեսված ՀՀԿ 18-րդ համագումարի ընթացքում։