ՀՀ ԱԳ նախարարի տեղակալը հանդիպել է ԱՊՀ դիտորդական առաքելության պատվիրակության հետ

ՀՀ ԱԳ նախարարի տեղակալ Ռոբերտ Աբիսողոմոնյանն ընդունել է ԱՊՀ դիտորդական առաքելության ղեկավար, ԱՊՀ գործադիր քարտուղարի տեղակալ Նուրլան Սեյտիմովի գլխավորած պատվիրակությանը։ Այս մասին հայտնում է ՀՀ ԱԳՆ մամուլի ծառայությունը։

Հանդիպման ընթացքում անդրադարձ է կատարվել ՀՀ կառավարության նախաձեռնած օրենսդրական բարեփոխումներին՝ ուղղված հանրային վստահության ամրապնդմանը, ինչպես նաև ընտրական գործընթացների և ինստիտուցիոնալ պատրաստվածության բարելավմանը։

Հայաստանում կայանալիք խորհրդարանական ընտրությունների համատեքստում Ռոբերտ Աբիսողոմոնյանը վերահաստատել է ՀՀ հանձնառությունը՝ միջազգային չափանիշներին համապատասխան ազատ, արդար և թափանցիկ ընտրություններ անցկացնելու հարցում։

Նա ընդգծել է նաև ՀՀ կառավարության պատրաստակամությունը՝ ապահովելու միջազգային դիտորդների արդյունավետ աշխատանքի համար անհրաժեշտ բոլոր պայմանները՝ կարևորելով դիտորդական առաքելությունների գործունեության թափանցիկ և անաչառ իրականացումը։