Հայոց ցեղասպանության ճանաչումը խորը ճգնաժամ է առաջացրել Բաքվի և Թել Ավիվի հարաբերություններում․ Ynet

Իսրայելի կողմից Հայոց ցեղասպանության ճանաչումը Ադրբեջանի և Իսրայելի հարաբերություններում առաջացրել է ավելի խորը ճգնաժամ, քան երևում է հրապարակայնորեն։ Այս մասին հաղորդում է իսրայելական «Ynet» պարբերականը։

Ըստ աղբյուրի՝ Բաքվում այս քայլը համարում են «կարմիր գծի» անցում։ Ադրբեջանի ղեկավարությանը հիասթափեցրել է նաև որոշման ձևաչափը. Իսրայելի ԱԳ նախարար Գիդեոն Սաարն իր ադրբեջանցի գործընկերոջը տեղյակ է պահել միայն փաստաթղթի հրապարակումից հետո, ինչը Բաքվում ընկալվել է որպես փաստի առաջ կանգնեցնելու քայլ։

Ադրբեջանական կողմն ակնկալում էր, որ Իսրայելը կձեռնպահ մնա հայկական հարցին աջակցելուց, քանի որ Բաքուն, չնայած միջազգային ճնշումներին, հանդես չի եկել Իսրայելի դեմ Գազայի, Լիբանանի կամ Իրանի հարցերում։ Բաքվում հույս ունեն, որ ճգնաժամն ավելի չի խորանա, և հարցը չի հասնի Կնեսետում (խորհրդարանում) քվեարկության։