Հայաստանյան շաքարավազի շուկայում պայթյունավտանգ իրավիճակ է

Հայաստանում շաքարավազի շուկայում լարված, անգամ պայթյունավտանգ իրավիճակ է ձևավորվել։ Տարիներ շարունակ ներկրման մենաշնորհով հայտնի գործարար Սամվել Ալեքսանյանը փորձում է խոչընդոտել տվյալ ոլորտում նոր խոշոր խաղացող համարվող Հարություն Քնարյանի գործունեությանը։

Մասնավորապես, տարբեր եղանակներով փորձ է արվում խոչընդոտել նրան ՀՀ շաքարավազ ներմուծելու գործընթացում։ Մեր տեղեկություններով՝ հարցը հասել է անգամ նրան, որ քրեական աստիճանակարգության բարձրագույն կարգավիճակ ունեցող անձինք փորձել են կապ հաստատել Քնարյանի հետ՝ նրան շաքարավազի շուկայից դուրս մղելու նպատակով։

Մենք փորձել ենք կապ հաստատել գործարարների հետ տվյալ խնդրի վերաբերյալ մեկնաբանություն ստանալու նպատակով, սակայն դա մեզ չի հաջողվել։ Մեր բազմաթիվ զանգերին թե՛ Ալեքսանյանը, թե՛ Քնարյանը չեն պատասխանել։