Հասարակություն
21 մայիսի 2026 • 08:40
Հայաստանում կսահմանվի ծնողական ժամ
Այս որոշումը, ըստ նրա` հնարավորություն կտա համատեղել աշխատանքն ու ընտանիքը։
Հայաստանում երեխա ունեցող աշխատողների համար կսահմանվի ծնողական ժամ։ Այսօր ՀՀ կառավարության նիստի ժամանակ ասաց ՀՀ աշխատանքի և սոցիալական հարցերի նախարարի առաջին տեղակալ Արտյոմ Սմբատյանը` ներկայացնելով «ՀՀ աշխատանքային օրենսգրքում փոփոխություն և լրացում կատարելու մասին» օրենքի նախագիծը։
Խնամքին մինչև 12 տարեկան երեխա ունեցող, ինչպես նաև մինչև 18 տարեկան հաշմանդամության խորը կամ ծանր սահմանափակումով երեխա ունեցող ծնողը, այդ թվում` խնամատար կամ որդեգրող ծնողն իրավունք կունենան օգտվել ծնողական ժամից։
Ի՞նչ է ենթադրում ծնողական ժամը. փոխնախարարի խոսքով` վերոնշյալ ծնողն իրավունք կունենա բացակայել աշխատանքից` աշխատավարձի պահպանմամբ։
«Ընդ որում` մինչև երկու երեխա ունեցող ծնողին ծնողական ժամը տրամադրվելու է օրական առավելագույնը 30 րոպե տևողությամբ, 3 և ավելի երեխա ունեցող ծնողին` օրական առավելագույնը 1 ժամ տևողությամբ։ Մինչև 18 տարեկան հաշմանդամության խորը կամ ծանր սահմանափակումով երեխա ունեցող ծնողին` օրական առավելագույնը 1 ժամ` անկախ երեխաների քանակից»,– ասել է Սմբատյանը` նշելով՝ այս նախագիծը վերաբերում է երկու ծնողին հավասարապես։
Այս որոշումը, ըստ նրա` հնարավորություն կտա համատեղել աշխատանքն ու ընտանիքը։
ՀՀ փոխվարչապետ Մհեր Գրիգորյանը նշեց, որ հետագայում չի բացառվում, որ այս նախագիծը ենթարկվի լավարկումների և, օրինակ, ծնողը հնարավորություն ունենա կուտակել իր ծնողական ժամերը և օգտագործել, վերաբաշխել մեկ օրում։
Օրենքի այս փոփոխությունները կներկայացվի Ազգային ժողովի քննարկմանը։
Կարդացեք նաև
Հասարակություն8 նոյեմբերի 2026
Ինչպես է «խորամանկում» Shirak Avia-ն․ Կարեն Հեքիմյան
Հասարակական գործիչ Կարեն Հեքիմյանը մեղադրանքներ է հնչեցրել «Shirak Avia»-ի հասցեին՝ պնդելով, որ ավիաընկերությունը ուղևորին մոլորեցրել է Երևան-Մոսկվա չվերթի չեղարկման վերաբերյալ։
Հասարակություն8 նոյեմբերի 2026
Երևանի քաղաքապետի խոսնակը հայտնել է իր անվերապահ աջակցությունը դպրոցի տնօրենին
Երևանի քաղաքապետարանի մամուլի խոսնակ Ջուլիետա Ազարյանը պաշտպանել է երաժշտական դպրոցի տնօրեն Իրինա Մկրտչյանին՝ կոչ անելով առաջնորդվել փաստերով, հարգել անձնական կյանքի անձեռնմխելիությունն ու անմեղության կանխավարկածը։
Հասարակություն4 նոյեմբերի 2026
Ողբերգական ավտովթար Արագածոտնի մարզում․ կա 9 զոհ և 3 վիրավոր
Արագածոտնի մարզում տեղի ունեցած ողբերգական շղթայական ավտովթարի հետևանքով 9 մարդ զոհվել է, ևս 3-ը՝ ստացել տարբեր աստիճանի մարմնական վնասվածքներ։