Հայաստանն այսուհետ որևէ հարցում առանց այլընտրանքի չի մնալու. Նիկոլ Փաշինյան

Հայաստանն այսուհետ որևէ հարցում առանց այլընտրանքի չի մնալու, րագրողների հետ զրույցում ասել է ՀՀ վարչապետ Նիկոլ Փաշինյանը՝ խոսելով հայ-ամերիկյան հարաբերությունների մասին։

«Չի լինելու որևէ հարց, որ Հայաստանը չունենա այլընտրանք, կարծում եմ ՝ այսօրվա զորհանդես-հաշվետվությունը դրա վառ ապացույցն է, որովհետև 7 տարբեր երկրների արտադրությունն էր ցուցադրված»,- ասել է նա։

Փաշինյանի խոսքով՝ Հայաստանն էներգետիկ անկախ երկիր լինելու հնարավորություն ունի, որովհետև արևային ռեսուրսները Հայաստանին անսահմանափակ հնարավորություններ են տալիս։

Նա նշել է՝ Հայաստանն ԱՄՆ-ի հետ աշխատելու է ՀՀ նոր երկրաբանական քարտեզի ձևավորման ուղղությամբ։

Միևնույն ժամանակ, ըստ Փաշինյանի, Հայաստանը մինչև հնարավոր վերջին կետը զարգացնելու է ԵԱՏՄ-ում համագործակցությունը։