Հայաստանի Շնորհապետական կուսակցությունն այսօր լինելու է Շենգավիթ վարչական շրջանում

Կուսակցության անդամները հանդիպումներ կունենան բնակիչների հետ:

Հայաստանի Շնորհապետական կուսակցությունը նախընտրական քարողարշավի շրջանակներում հանդիպումներ է ունենում բնակիչների հետ և նրանց ծանոթացնում իրենց նախընտրական ծրագրերին:

Քարոզարշավի շրջանակներում կուսակցությունն այսօր լինելու է Շենգավիթ վարչական շրջանում: Այս մասին տեղեկանում ենք կուսակցության նախագահ Գուրգեն Սիմոնյանի ֆեյսբուքյան էջից:

«Վաղը շրջելու ենք Երևանում։ ՀՇՊԿ N 4

Հարգելի՛ հայրենակիցներ,

Վաղը՝ մայիսի 12-ին, Հայաստանի Շնորհապետական կուսակցությունը (ՀՇՊԿ) նախատեսում է քարոզարշավի հերթական շրջագայությունը Շենգավիթ վարչական շրջանում։

Մեր թիմը կշրջի թաղամասի փողոցներով՝ տեղում ծանոթանալու առկա խնդիրներին և ներկայացնելու մեր զարգացման տեսլականը։ Հրավիրում ենք բոլորին միանալու մեզ կամ մոտենալու նշված կետերում՝ անմիջական զրույցի և մտքերի փոխանակման համար։

Ստորև ներկայացնում ենք մեր այցելությունների մանրամասն ժամանակացույցը․

11:30 – 11:50 | Կոմիտասի անվան պանթեոն (Հավաք և մեկնարկ)

12:10 – 12:30 | Բանվորի արձան (Արշակունյաց պողոտայի և Բագրատունյաց փողոցի խաչմերուկ)

12:40 – 13:00 | Շենգավիթի մետրո

13:10 – 13:30 | Գարեգին Նժդեհի հրապարակ

13:45 – 14:05 | Շողակաթի այգի

14:25 – 14:45 | Չարբախի սպորտդպրոց

14:55 – 15:15 | Արտաշիսյան փողոցի «Երևան Սիթի»

15:30 – 15:50 | Մայիսի 9 փողոց

16:00 – 16:20 | Շենգավիթի Ոստիկանություն

16:30 – 16:50 | «Հայրենիք» կինոթատրոնի հարակից տարածք»,-տեղեկացրել է Գուրգեն Սիմոնյանը: