Հայաստանի քաղհասարակության ներկայացուցիչները ժամանել են Ադրբեջան

2026 թվականի ապրիլի 10-ից 12-ը Ադրբեջանում «Խաղաղության կամուրջ» նախաձեռնության շրջանակում կկայանա հերթական երկկողմ կլոր սեղան՝ Ադրբեջանի և Հայաստանի քաղաքացիական հասարակությունների ներկայացուցիչների մասնակցությամբ։ «Խաղաղության կամուրջ» նախաձեռնությունը շարունակում է նպաստել Ադրբեջանի և Հայաստանի քաղաքացիական հասարակությունների ներկայացուցիչների միջև երկխոսությանը և ուղիղ փոխգործակցությանը։

Այսօր Հայաստանի քաղհասարակության 20  ներկայացուցիչ ժամանել են Ադրբեջան, հայտնում է պետական APA լրատվական գործակալությունը։


 Հայկական պատվիրակությունն Ադրբեջան է ժամանել ցամաքային սահմանով, հատել է սահմանագծված և սահմանազատված հատվածը և անցել սահմանային ու անձնագրային հսկողության բոլոր համապատասխան գործընթացները։

Քննարկումները տեղի են ունենում համաձայնեցված երկկողմ խաղաղության օրակարգի շրջանակում, որը ձևավորվել է 2025 թվականի օգոստոսի 8-ին Վաշինգտոնում կայացած եռակողմ գագաթնաժողովում։

Հանդիպման ընթացքում քննարկվում են խաղաղության գործընթացի ընթացքը, նախաձեռնության մասնակիցների գործունեությունն իրենց երկրներում, ձեռք բերված արդյունքներն, ինչպես նաև տարածաշրջանային զարգացումները։

Առանձին նիստեր նվիրված են հասարակական մակարդակում խաղաղության խթանմանը և գործընթացի հաջորդ փուլերում փոխադարձ վստահության ամրապնդմանը։

Հայկական պատվիրակության մասնակիցներն են ՝ Արեգ Քոչինյանը, Բորիս Նավասարդյանը, Նաիրա Սուլթանյանը, Նարեկ Մինասյանը, Սամվել Մելիկսեթյանը, Ստեփան Գրիգորյանը, Էդգար Վարդանյանը, Ռոբերտ Ղևոնդյանը, Լուսինե Խառատյանը, Նելլի Մինասյանը, Դավիթ Ստեփանյանը, Ռուբեն Բաբայանը, Էլեոնորա Սարգսյանը, Նաիրա Մարտիկյանը, Վազգեն Կարապետյանը, Տաթև Դանիելյանը, Արմեն Պետրոսյանը, Ալեն Ամիրխանյանը, Նելլի Ռաֆայելյանը, Հայաստանի հանրային հեռուստաընկերության օպերատորը։