Հայաստանի և Ադրբեջանի  միջև վերջին զարգացումները վկայում են խաղաղության ուղղությամբ կարևոր առաջընթացի մասին.Դավիդ Ֆերնանդես Պույանա.

Չնայած Հայաստանի և Ադրբեջանի  միջև վերջին զարգացումները վկայում են խաղաղության ուղղությամբ կարևոր առաջընթացի մասին՝ այնուամենայնիվ, խաղաղությունը դեռևս մնում է փխրուն և պահանջում է միջազգային հանրության հետևողական աջակցություն։ Այսպիսի կարծիք է հայտնել «Արմենպրեսս» -ին տված հարզազրույցում ՄԱԿ-ում և ՅՈՒՆԵՍԿՕ-ում Խաղաղության համալսարանի դեսպան և մշտական դիտորդ Դավիդ Ֆերնանդես Պույանան:

Նա ասել է, որ կարևոր և նշանակալի քայլեր է տեսնում խաղաղության ուղղությամբ։ Այս առումով, մասնավորապես, հատկանշական է համարել Վաշինգտոնում 2025 թվականի օգոստոսի 8-ին Վաշինգտոնում ԱՄՆ նախագահ Դոնալդ Թրամփի միջնորդությամբ ստորագրված խաղաղության հռչակագիրը: Այդուհանդերձ, այդ խաղաղությունը շատ փխրուն է և պահանջում է միջազգային հանրության հետևողական աջակցություն։

«Այս տարին նույնպես կարևոր է, քանի որ առաջին անգամ անկախ Հայաստանի պատմության մեջ Եվրոպայի առաջնորդները հավաքվեցին Երևանում՝ մասնակցելու Եվրոպական քաղաքական համայնքի գագաթնաժողովին, ինչպես  Հայաստան-ԵՄ գագաթնաժողովին։ Եվ սա աշխարհաքաղաքական առումով շրջադարձային պահ էր Հայաստանի համար. կարծում եմ, որ սա նաև կարևոր ուղերձ էր միջազգային հանրությանը»,-նշել է Դավիդ Պույանան:

Սակայն Դավիդ Ֆերնանդես Պույանան, այս ամենի հետ մեկտեղ տեսնում է մարտահրավերներ ՝ պայմանավորված այն հանգամանքով, թե ինչպես են իրականացվելու այն խոստումները, որոնք եվրոպացի առաջնորդներն արդեն տվել են Հայաստանի կառավարությանը՝ հատկապես աշխարհում տեղի ունեցող խառնաշփոթի և պատերազմների պայմաններում: