Հայաստանի արտադրանքի սահմանափակումները կապված են ֆիտոսանիտարական կանոնների հետ․ Միխայիլ Գալուզին

Ռուսաստանը սահմանափակել է Հայաստանի արտադրանքի ներմուծումը ֆիտոսանիտարական նորմերի պատճառով։ Այս մասին Սանկտ Պետերբուրգի միջազգային տնտեսական ֆորումի  ընթացքում հայտարարել է Ռուսաստանի ԱԳՆ փոխնախարար Միխայիլ Գալուզինը, հայտնում է  ռուսական Կոմերսանտ–ը։

«Սա մեր ոլորտային մարմինների որոշումն է, որը պայմանավորված է Ռուսաստանի տարածք որոշակի տեսակի արտադրանքի ներմուծման հայտնի ֆիտոսանիտարական կանոնների պահպանման անհրաժեշտությամբ», — ասել է Գալուզինը։ ՌԴ ԱԳՆ փոխնախարարը նշել է նաև, որ ոլորտային մարմինները կզբաղվեն սահմանափակված հայկական արտադրանքի փոխարինման հարցով։