Հայաստանը պաշտպանություն է փնտրում «սպառնալիքի աղբյուրից»․ Սերգեյ Շոյգու

Ռուսաստանի Անվտանգության խորհրդի քարտուղար Սերգեյ Շոյգուն հայտարարել է, որ Հայաստանի իշխանությունները փորձում են աջակցություն գտնել «սպառնալիքի աղբյուրից» և դրա համար իրենք են պատասխանատվություն կրելու, այս մասին հայտնում է ռուսական ՌԲԿ–ն։

Նա այս հայտարարությունն արել է  ՀԱՊԿ–ի Անվտանգության խորհուրդների քարտուղարների կոմիտեի նիստում։

«Ընդհանուր առմամբ խնդիրները շատ են, և դրանք ավելի արդյունավետ է լուծել միասին։ Ցավալի է, որ մեր հայ գործընկերները կազմակերպությունում դա չեն հասկանում և պաշտպանություն են փնտրում անմիջական սպառնալիքի աղբյուրից», — ասել է Շոյգուն։

Նա հավելել է, որ Հայաստանի ղեկավարության ընտրած ուղին իրենց սեփական որոշումն է։

 «Դա Հայաստանի ղեկավարության ընտրությունն է և իրենց պատասխանատվությունն է սեփական երկրի ու ժողովրդի ապագայի համար», — ընդգծել է Շոյգուն։

Շոյգուն չի հստակեցրել, թե որ երկրներին է նկատի ունեցել՝ խոսելով «սպառնալիքի աղբյուրի» մասին։