Հայաստանը օգտվում է Եվրասիական տնտեսական միության անդամակցությունից, բայց ձգտում է միանալ Եվրամիությանը. Ալեքսեյ Օվերչուկ

ՌԴ փոխվարչապետ Ալեքսեյ Օվերչուկը «Վեստի» լրատվական գործակալությանը տված հարցազրույցում ասել է, որ Հայաստանը օգտվում է Եվրասիական տնտեսական միության (ԵԱՏՄ) անդամակցությունից, բայց ձգտում է միանալ Եվրամիությանը:

«Հայաստանի ներկայիս ղեկավարները քաղաքական որոշում են կայացրել մերձենալ Եվրամիությանը։ Ինչո՞ւ պետք է նրանք օգտվեն  այն տնտեսական առավելություններից և օգուտներից, որոնք Հայաստանը ստանում է Եվրասիական տնտեսական միության անդամակցությունից»,- ասել է Օվերչուկը:

Օվերչուկը նաև ընդգծել է, որ ոչ ոք չի ցանկանում, որ Հայաստանը դուրս գա ԵաՏՄ-ից։

Ավելի վաղ Պետդումայի նախագահ Վյաչեսլավ Վոլոդինը հայտարարել էր, որ, եթե Հայաստանը դուրս գա ԵԱՏՄ-ից,ապա  կբախվի լուրջ տնտեսական և սոցիալական հետևանքների։