Հայ-ադրբեջանական սահմանին շարունակվում են սահմանազատման աշխատանքները. Բայրամով

Ադրբեջան–Հայաստան սահմանին շարունակվում են սահմանազատման և սահմանագծման աշխատանքները։

Ինչպես հայտնում է APA-ն, այս մասին լրագրողներին ասել է Ադրբեջանի արտգործնախար Ջեյհուն Բայրամովը։

«Սահմանազատումն ու սահմանագծումը շատ լայնածավալ գործընթաց է։ Փոխվարչապետ Շահին Մուստաֆաևը այցելել է Հայաստան, և ստորագրվել են երեք փաստաթղթեր, որոնք սահմանում են հետագա աշխատանքների կանոնակարգը։ Դրանից առաջ Ադրբեջանում տեղի է ունեցել հանդիպում՝ հայկական կողմի մասնակցությամբ։ Գործընթացը շարունակվում է», — նշել է Բայրամովը: