«Հարավկովկասյան երկաթուղի» ընկերությունը հորդորում է ցուցաբերել զգոնություն

Պայմանավորված գարնան մեկնարկով, գյուղատնտեսական աշխատանքների ակտիվացմամբ  և երկաթուղային գծերով երթևեկության ինտենսիվության աճով, «Հարավկովկասյան երկաթուղի» ընկերությունը քաղաքացիներին կոչ է անում պահպանել անվտանգության կանոնները, ցուցաբերել առավելագույն զգոնություն և պատասխանատվություն երկաթուղային ենթակառուցվածքներում։ Այս մասին հաղորդվում է ընկերության պաշտոնական կայքում:

Ընկերությունը բնակիչներին հորդորում է երկաթուղային գծերի հարևանությամբ չայրել չոր խոտ և գծերի երկայնքով չարածեցնել կենդանիներ: Վարորդներին ևս հորդորում են խստորեն պահպանել երկաթուղային գծանցումների անցման կանոնները, հետևել ճանապարհային նշաններին և լուսացույցերի ազդանշաններին, չշրջանցել փակված արգելապատնեշները և չհատել գծերը չթույլատրված վայրերում։