Հանդիպել են Արայիկ Հարությունյանը և Վասիլիս Մարագոսը

Վարչապետի աշխատակազմի ղեկավար Արայիկ Հարությունյանը հանդիպում է ունեցել Հայաստանում Եվրոպական միության առաքելության ղեկավար, դեսպան Վասիլիս Մարագոսի հետ։

Զրուցակիցները կարևորել են Հայաստան–ԵՄ համագործակցության հետևողական զարգացումն ու ընդգծել երկկողմ հագեցած օրակարգի հետևողական առաջմղման կարևորությունը։ Այս մասին տեղեկանում ենք ՀՀ կառավարության մամուլի ծառայությունից:

Արայիկ Հարությունյանը շեշտել է մեր երկրում իրականացվող ժողովրդավարական բարեփոխումների արդյունավետ կյանքի կոչման ուղղությամբ ԵՄ–ի կողմից ցուցաբերվող օժանդակության փաստը՝ հավելելով, որ ռեֆորմների շարունակականության ապահովումը ՀՀ Կառավարության առաջնահերթություններից մեկն է։

Հաջորդիվ կողմերը քննարկել են մայիսին Երևանում կայանալիք ՀՀ–ԵՄ անդրանիկ գագաթնաժողովի օրակարգին, ինչպես նաև Եվրոպական քաղաքական համայնքի գագաթնաժողովի կազմակերպմանը վերաբերող հարցեր: