Գյումրի-Մոսկվա չվերթի արտակարգ վայրէջքի պատճառը ճնշման սենսորի սխալ գործարկումն է եղել. ուղեվորները կմեկնեն պահեստային ինքնաթիռով

«Պոբեդա» ավիաընկերության Գյումրի-Մոսկվա չվերթի ինքնաթիռի՝ Մախաչկալայում կատարած չպլանավորված վայրէջքի պատճառը եղել է ճնշման սենսորի սխալ գործարկումը: Այս մասին հայտնում են Ռուսաստանի քննչական կոմիտեից՝ մանրամասնելով, որ հենց այդ անսարքությունն է հանգեցրել օդանավում արտակարգ վայրէջք կատարելու որոշմանը։

Ավիաընկերության մամուլի ծառայությունից «ՌԻԱ Նովոստի»-ին հայտնել են, որ Մոսկվա թռիչքի համար կօգտագործվի պահեստային ինքնաթիռ:

«Ուղեվորները տեղափոխվել են օդանավակայանի տերմինալ, անցնում են անձնագրային ստուգում եվ սահմանված կարգով ստանում են ուղեբեռը»,- նշել են ավիաընկերությունից:

«Պոբեդա»-ի տվյալներով՝ օդանավում եղել է 186 մարդ։ Չվերթի մեկնումը նախատեսված է Երեվանի ժամանակով ժամը 17:00-ին (Մոսկվայի ժամանակով՝ 16:00-ին)։

Հիշեցնենք, որ ավելի վաղ Հայաստանի քաղաքացիական ավիացիայի կոմիտեն նույնպես հայտնել էր, որ ինքնաթիռը թռիչքը կշարունակի ավելի ուշ։