Գագիկ Ծառուկյանը հայտարարել է, որ ընտրվելու դեպքում թոշակները կբարձրացնի մինչև 100000 դրամ

«Բարգավաճ Հայաստան» կուսակցության առաջնորդ Գագիկ Ծառուկյանը Մասիսում նախընտրական քարոզչության ժամանակ քաղաքացիների հետ հանդիպման ժամանակ հայտարարել է, որ թոշակները  պատրաստվում է հասցնել 100 հազար դրամի, այնուհետև ամեն տարի ավելացնել 5000-1000 դրամով։

Անդրադառնալով սահմանամերձ գոտու բնակավայրերի համար իրենց քաղաքական ուժի նախատեսած ծրագրերին՝ Ծառուկյանը ներկայացրել է, որ սահմանային գոտում պետք է ամբողջությամբ հանել գույքահարկը։

Բացի այդ՝  «Բարգավաճ Հայաստան»-ի առաջնորդը խոստանում է ընտրվելու դեպքում անմիջապես քննարկման ներկայացնել մեկ շնչի հաշվով մինչև 3 միլիոն դրամի վարկերը ներելու մասին որոշում։ 

Նրա հաշվարկով՝ պետության կողմից նշված չափով վարկերը ներելու դեպքում մոտ 2 միլիոն 200 հազար մարդ կարող է դուրս գալ դժվար իրավիճակից։