Եվրոպայում առնվազն 10,000 մարդ է մահացել ծայրահեղ ջերմային ալիքների պատճառով

Եվրոպական մահացության մոնիթորինգի համակարգի (EuroMOMO) հուլիսի 13-ի տվյալների համաձայն, որոնց մեջբերել է Reuters-ը, հունիսի վերջին մայրցամաքի արևմտյան մասը պատած ծայրահեղ ջերմային ալիքի պատճառով Եվրոպայում առնվազն 10,000 մարդ է մահացել, գրում է« Իզվեստիա»-ն։

«Պաշտոնական տվյալները ցույց են տվել, որ եվրոպական երկրները հայտնել են մայրցամաքի արևմտյան մասը պատած ռեկորդային ջերմային ալիքի ընթացքում ավելի քան 10,000 մահվան դեպքի մասին», - ասվում է զեկույցում։

Հրապարակած տվյալների համաձայն՝ մահերի ճնշող մեծամասնությունը՝ ավելի քան 9 հազարը, գրանցվել է 65 և ավելի բարձր տարիքի մարդկանց շրջանում։

 Տվյալները կազմվել են 27 եվրոպական երկրների ազգային մահացության վիճակագրությունից հունիսի 22-28-ի շաբաթվա համար, երբ ջերմային ալիքը գագաթնակետին հասավ Ֆրանսիայում, Իսպանիայում, Մեծ Բրիտանիայում և այլ երկրներում։
Շոգային ալիքը խափանեց էլեկտրամատակարարումը, ստիպեց դպրոցները փակվել և գերազանցեց ջերմաստիճանի ռեկորդները։ EuroMOMO-ն չի հրապարակում առանձին երկրների տվյալներ, սակայն նշում է, որ Ֆրանսիան և Բելգիան Եվրոպայի միակ երկրներն էին, որոնք հունիսի վերջին շաբաթում «շատ բարձր» մահացության մակարդակ ունեին։ Բելգիայում մահացության մակարդակը ամենաբարձրն էր 2000 թվականից ի վեր։ Առանձին ուսումնասիրությունը գնահատում է, որ Անգլիայում և Ուելսում շոգից մահացել է 2700 մարդ։