Երևանում պարեկների ուղեկցությամբ ծննդաբերող կինն անվտանգ ծննդաբերել է հիվանդանոցում

Այսօր՝ ապրիլի 17-ին, արտակարգ դեպք է տեղի ունեցել Երևանում։
Պարեկներն օգնել են ծննդաբերող կնոջը ժամանակին հասնել հիվանդանոց, ինչի շնորհիվ փրկվել են մոր և նորածնի կյանքերը, այս մասին հայտնում է Գագիկ Շամշյանը։

Ժամը 01:30-ի սահմաններում, Թբիլիսյան խճուղում՝ Հյուսիսային ավտոկայանի մոտ։ Պարեկային ծառայության աշխատակիցները նկատել են կանոնները խախտող «Prado» մակնիշի ավտոմեքենա և փորձել են կանգնեցնել այն։

Ավտոմեքենայի վարորդը տեղում հայտնել է, որ իր կինը ծննդաբերում է։ Պարեկները, արձագանքելով իրավիճակին, կազմակերպել են ավտոմեքենայի ուղեկցում դեպի «Ուիգմոր» բժշկական կենտրոն։

Բժիշկների խոսքով՝ կնոջ ժամանակին հասցնելը կանխել է հնարավոր բարդությունները, և հիվանդանոցում նա լույս աշխարհ է բերել իր որդուն։ Նորածինը ընտանիքի չորրորդ երեխան է։