Երևանում մեկնարկել են Մոսկվա կինոթատրոնի ամառային դահլիճի վերականգնման աշխատանքները

Երևանում մեկնարկել են Մոսկվա կինոթատրոնի ամառային դահլիճի վերականգնման աշխատանքները, որոնց արդյունքում  տարածքին կվերադարձվի նրա պատմական կերպարն ու մշակութային միջավայրի ամբողջականությունը։ Այս մասին սոցցանցի իր էջում տեսանյութ է հրապարակել Երևանի քաղաքապետ Տիգրան Ավինյանը։

Ավինյանն ասել է, որ այսօր իրականացվում են նախկին սրճարանի քանդման աշխատանքները, որը երկար տարիներ փակել էր ամառային դահլիճի մուտքը և խաթարել տարածքի ճարտարապետական ու գործառնական ամբողջականությունը։

Այս նախաձեռնության նպատակն է տարածքն ազատել ավելորդ կառուցապատումից և այն վերածել ժամանակակից պահանջներին համապատասխանող բաց ու հասանելի հանրային միջավայրի։