Երևանում «Mazda»-ի վարորդը վրաերթի է ենթարկել 12-ամյա երեխայի

Մայիսի 14-ին վրաերթ է տեղի ունեցել Երևանում։ Ժամը 19։30-ի սահմաններում Կոմիտասի պողոտայում 29-ամյա վարորդը իր վարած Mazda մակնիշի ավտոմեքենայով վրաերթի է ենթարկել շենքի բակում խաղացող 12-ամյա երեխայի, հայտնում է Shamshyan.com–ը։

Ինչպես հայտնում է Գագիկ Շամշյանը, վարորդը դեպքի վայրից չի հեռացել, ահազանգել է շտապօգնություն։
Երեխան տեղափոխվել է «Ուիգմոր Քլինիք»  բժշկական կենտրոն։

Դեպքի վայրում աշխատել են պարեկներն ու քննչական խումբը։ Դեպքի փաստով նախաձեռնվել է քրեական վարույթ։