«Երևանի ավտոբուսը» զրպարտություն է համարում ավագանու ընդդիմադիր անդամի հայտարարությունը

«Երևանի ավտոբուս» ընկերությունից վստահեցնում են, որ իրենք դիզելային վառելիք ձեռք բերելիս հակաօրինական որևէ քայլ չեն արել. շուկայականից բարձր գնով վառելիքը ձեռք են բերել գնման բաց, մրցակցային և թափանցիկ 3 ընթացակարգի արդյունքում։ Ընկերությունը պարզաբանում է տարածել` արձագանքելով Երևանի ավագանու «Մայր Հայաստան» խմբակցության անդամ, «Հայաստան» դաշինքի պատգամավորի թեկնածու Մեսրոպ Մանուկյանի հայտարարությանը։

 

Ավելի վաղ Մեսրոպ Մանուկյանը հայտարարել էր՝ մայիսի 6-ին ընկերությունը մեկ անձից գնման ընթացակարգով 500 հազար լիտր դիզվառելիք է ձեռք բերել մեկ լիտրը 545 դրամով։ Այժմ Երևանի բենզալցակայաններում դիզվառելիքի մեկ լիտրի արժեքը 510-520 դրամ է։ Նա նշել էր, որ մեծածախ գնման դեպքում հնարավոր է նաև 15-20 տոկոս ցածր արժեքով ձեռք բերել։

 

«Երևանի ավտոբուսից» նշել են՝ ընտրել են ոչ թե հրատապ կամ սահմանափակ, այլ մրցակցային ձևաչափ՝ շուկայի մասնակիցներին հնարավորություն տալով ներկայացնել գնային առաջարկներ։