Երբ ունեինք մեծ ընկերոջ պաշտպանության կարիքը, օգնությունը չհասավ տեղ, բայց ամուր կապերը պահում ենք Ռուսաստանի հետ. Արարատ Միրզոյան

Դարեր շարունակ մենք մտածել ենք, որ թշնամական իրավիճակում մեզ պետք է մեկ ուժեղ ու մեծ եղբայր, ով կարող է պաշտպանել մեզ, այս տեսակետը հիմա փոխվել է, «Դեմ առ դեմ» Արարատ Միրզոյանի հետ հավաքի ժամանակ ասել է ՀՀ ԱԳ նախարար Արարատ Միրզոյանը։

Նրա խոսքով՝ երբ Հայաստանն ուներ մեծ ընկերոջ պաշտպանության կարիքը, օգնությունը չհասավ տեղ։

«Դա մեծապես փոխեց արտաքին քաղաքականության մեր տեսակետը քաղաքացիների շրջանում»,- ասաց Միրզոյանը։

ԱԳ նախարարի դիտարկմամբ՝ Հայաստանը կարողացել է իր քաղաքական ու տնտեսական կախվածությունը մեկ կենտրոնից նվազեցնել ու դիվերսիֆիկացնել ընկերների թիվը, բայց, միևնույն ժամանակ, ամուր կապեր է պահում Ռուսաստանի հետ։