Ընտրություններից հետո վերադարձել ենք Ստեփանավան, տեղում լսելու՝ ինչ խնդիր լուծենք քաղաքի համար. Նարեկ Կարապետյան

Աշխատանքային այցով Լոռու մարզի Ստեփանավան քաղաքում գտնվող Նարեկ Կարապետյանն ամփոփել է տեղի բնակիչների հետ ունեցած հանդիպումներն ու քննարկումները:

Այցի շրջանակներում առանձնազրույցներ են տեղի ունեցել հարյուրավոր ստեփանավանցիների հետ՝ նպատակ ունենալով վեր հանել համայնքային խնդիրները և հասկանալ, թե ինչպիսի զարգացման ծրագրեր են առաջնահերթ քաղաքի համար:

Նարեկ Կարապետյանի փոխանցմամբ՝ բնակիչների կողմից հնչել են բազմաթիվ կառուցողական առաջարկներ, որոնք կդրվեն աշխատանքային քննարկման հիմքում՝ քաղաքին նոր նախագիծ նվիրաբերելու նպատակով: