Ընտրությունների շեմին ապատեղեկատվական արշավներն ինտենսիվանում են. Նազելի Բաղդասարյան

Որքան մոտենում է ընտրությունների օրը, այնքան ավելի ինտենսիվ ու կազմակերպված բնույթ են ստանում ապատեղեկատվական արշավները։ Այս մասին հայտարարել է ՀՀ վարչապետի մամուլի քարտուղարը՝ մատնանշելով տեղեկատվական դաշտում նկատվող վտանգավոր միտումները։

Խոսնակի փոխանցմամբ՝ վերջին շրջանում արձանագրվում է արհեստական բանականությամբ ստեղծված տեսանյութերի, deepfake մանիպուլյացիաների և բոտային ցանցերով համակարգված տարածումների զգալի աճ։

Նշվում է, որ հանրային վստահությունը շահարկելու նպատակով նմանատիպ կեղծ բովանդակությունը հաճախ շրջանառվում է հեղինակավոր միջազգային լրատվամիջոցների տարբերանշաններով։ Որպես ասվածի թարմ օրինակ՝ վարչապետի խոսնակը հղում է արել միջազգային հեղինակավոր Euronews լրատվականին, որը հերթական հերքումն է հրապարակել՝ արձագանքելով իր անունից տարածվող կեղծ նյութերին։