Ընտրակաշառք տալու և վերցնելու համար նախատեսված պատիժը կխստացվի․ Ալեն Սիմոնյան

«Իմ և պատգամավորներ Արուսյակ Ջուլհակյանի, Ալխաս Ղազարյանի և Վահագն Ալեքսանյանի կողմից նոր օրենսդրական նախաձեռնություն է դրվում շրջանառության մեջ, որով նախկինում ընտրակաշառք տալու և վերցնելու համար նախատեսված պատիժը կփոխվի»: Այս մասին ասել է ԱԺ նախագահ Ալեն Սիմոնյանը։

 «Ընտրակաշառք վերցնելը, որի համար նախատեսված է պատիժ մինչև յոթը տարի, կփոխարինվի մինչև ինը տարի ազատազրկմամբ։

Հիմա գնացեք մտածեք՝ արդյո՞ք արժի հարյուր կամ երկու հարյուր հազար դրամի, հեռուստացույցի, շալվարի, քաբաբի դիմաց գնալ և բավականին երկար ժամանակ անցկացնել ուղղիչ աշխատանքային գաղութում, ունենալ դատվածություն և մտնել այս ամենի մեջ, և նաև հարվածի տակ դնել մեր պետականությունը, մեր անկախությունը, մեր ինքնուրույն որոշում կայացնելու փաստը։ Իսկ այն մարդկանց, ովքեր որ մինչև այս պահը ներքաշվել են դրա մեջ, ես անկեղծ չեմ նախանձում»,- ասել է նա։