Ենթադրում եմ՝ ինչ-որ փուլում, ինչ-որ տեղում կշարունակեմ օգտակար լինել մեր երկրին, մեր կուսակցությանը․Ալեն Սիմոնյան

«Կարծում եմ, որ աշխատանքային պրոցեսը ենթադրում է, որ ինչ-որ փոփոխություններ պետք է լինեն։ Ենթադրում եմ՝ ինչ-որ փուլում, ինչ-որ տեղում կշարունակեմ օգտակար լինել մեր երկրին, մեր կուսակցությանը։ Սա ինձ համար աշխատանքային առումով ծանր տարի էր։ Մի մոռացեք, որ սա հետպատերազմյան Ազգային ժողով էր, շատ մարտահրավերների և ծանր իրավիճակների միջով անցած Ազգային ժողով էր, և իրոք շատ դժվար էր այն աշխատանքը, որ ես իմ գործընկերների հետ մեկտեղ իրականացրել եմ։ Իսկապես ուզում եմ մի քիչ հանգստանալ»,-ԱԺ–ում լրագրողների հետ ճեպազրույցում նշեց Ալեն Սիմոնյանը։

Հարցին, թե արդյոք նեղվածություն չունի, Ալեն Սիմոնյանը նշեց, որ որպես այդպիսին ոչ։

«Կարծում եմ, որ աշխատանքային պրոցեսը ենթադրում է, որ ինչ-որ փոփոխություններ պետք է լինեն։ Ենթադրում եմ՝ ինչ-որ փուլում, ինչ-որ տեղում կշարունակեմ օգտակար լինել մեր երկրին, մեր կուսակցությանը։ Սա ինձ համար աշխատանքային առումով ծանր տարի էր։ Ուզում եմ, որ ինչ-որ ժամանակ դուք էլ ինձ կարոտեք, իսկ ես էլ մարդկանց շատ չհոգնեցնեմ»,- ասաց Ալեն Սիմոնյանը։