Ընդդիմությունը հավաքական ձայներով այս իշխանությանը հաղթելու մեծ շանս ունի. Ռոբերտ Քոչարյան

 Նախընտրական քարոզարշավի շրջանակում ընտրողների հետ եզրափակիչ հանդիպումից հետո  «Հայաստան» դաշինքի վարչապետի թեկնածու Ռոբերտ Քոչարյանը՝ պատասխանելով հարցերի, ասել է, որ իր գնահատմամբ ընդդիմությունն ունի մեծ շանս հավաքական ձայներով հաղթել այս իշխանությանը:

Անդրադառնալով իր քաղաքական գործունեությանը Քոչարյանն ասել է. «Մենք էլ ենք փոխվել : Ես այն ժամանակ ազգային ազատագրական պայքարից եկա իշխանություն, այսպիսի պրոցեսներով չէի անցել, ընդդիմադիր չեմ եղել, մյուս անկյան տակ չեմ տեսել պրոցեսները։ Ղարաբաղյան շարժում էր, այնտեղ պայքարում էինք և Ադրբեջանի դեմ, և սովետական զորքերի վերահսկողության տակ էր այդ ամենը։

 Հիմա ընդդիմադիր աչքով այս ամենը տեսա, սա նոր, հետաքրքիր փորձ է, որը չի կարող ազդեցություն չունենալ իմ աշխատանքի ոճի վրա»: