ՀՀ ՊԵԿ նախկին նախագահ Գագիկ Խաչատրյանի որդին և եղբորորդին կկալանավորվեն

Հակակոռուպցիոն դատարանը բավարարել է դատախազի միջնորդությունները և ՊԵԿ նախկին նախագահ Գագիկ Խաչատրյանի որդու՝ Արտյոմ Խաչատրյանի, ինչպես նաև եղբորորդու՝ Արամ Խաչատրյանի նկատմամբ որպես խափանման միջոց է կիրառել կալանքը։ Այս մասին Armpulse-ի հետ զրույցում հայտնել են ՀՀ գլխավոր դատախազությունից։

Որոշումը կայացվել է հուլիսի 2-ին, որի համաձայն՝ նրանց նկատմամբ նախկինում կիրառված 200 միլիոն ՀՀ դրամ գրավը կդառնա պետության եկամուտ։ Նշենք՝ Արտյոմ և Արամ Խաչատրյաններն այս պահին գտնվում են Հայաստանից դուրս։